今年立法會選舉一開波，先嚟一單馬力自爆生癌要開刀，跟住又整單何偉途被公安破門拘捕，話佢叫雞犯咗國法，唔使審即扣半年，認真執法如山，大陸公安對住白鴿黨咁威，又唔見佢哋捉晒班去珠海欺負我女同胞嘅㗎仔去坐牢勞改。
咁有黨員出事，做主席豈可坐視不理，楊森只好連電車宣傳活動都取消埋，跑去見李少光，反正馬丁扭親條腰，奉醫生命要抖半日。
馬丁同八方講，佢早前係㗎車裏面擰轉身攞嘢，扭傷尾龍骨，噚日朝早重堅持企街派傳單，後嚟睇醫生返咗屋企休息，以為可以晚上復出，點知醫生都係話唔好，叫佢留喺屋企再抖吓，於是馬丁只好聽話，今朝早再出發。
選情咁激，馬丁話佢都唔敢偷懶，到時輸咗，唔知賴邊個。
傳真︰2623-9278
電郵︰