喺後日上映嘅泰片《小情人》由《人妖打排球》導演翁乙監製，而上星期翁乙就聯同套戲嘅三位小演員同埋導演嚟咗香港宣傳。套戲以七、八十年代嘅泰國為背景，重加入咗《天蠶變》同《京華春夢》嘅歌曲做背景音樂，勁有feel。而喺片中飾演小霸王嘅肥仔亞積，原來平時都係鬼咁百厭，難怪佢演得咁放，重攞埋最佳男配角獎㖭。