劉德華新廣東碟將於明日推出，其中主打歌《按摩女郎》早已唱得街知巷聞，誰知日前華仔竟收到一位按摩女郎來信，她在信中表示自己本來是會計，但因公司倒閉後無以為生，迫不得已當上按摩女郎，她在聽到華仔該首作品時感動得哭起上來，華仔說：「封信重有一叠八折按摩券畀我，佢話送畀我啲員工用，我去重免費㖭，不過我有私人醫師幫我按，啲券我已經送晒畀同事。我最開心唔係有着數，而係有人對首歌有共鳴。」
華仔在新碟封套中，分別與白兔、烏鴉、狐狸及白鴿一同亮相，他說：「我張碟叫coffeeortea，希望大家坐低飲杯茶，慢慢聽。」
而華仔與林夕更分別為該碟各自填上五首詞，華仔說：「我業餘咋，跟佢學嘢，希望多啲同夕爺合作，我填詞都有進步啦。」