政務司司長曾蔭權放假一周，原來同太太以及個仔去咗山東，冒雨祭老祖宗曾子，八方明明記得煲呔係廣東南海人，當年娶新抱，重同個細佬曾蔭培以及一眾人等，浩浩蕩蕩返去南海市九江鎮新基村祭祖，點解忽然又去咗山東省嘉祥縣南武山村認親認戚。
原來天下姓曾都係一家人，源於山東，要向上再追，係黃帝後代，你話幾威？至於今次煲呔去嘉祥，就係去拜孔子學生曾子曾參，據曾子後人講，論輩份煲呔屬「憲」字輩，係曾子第七十四代孫。
咦，咁煲呔咪同曾憲梓呢位人大常委同輩同一支水？
煲呔呢頭係山東出現，噚晚已經扺達北京私人活動，同朋友食晚飯，今日就為公為私，去見啲對口單位嘅人馬，一個係喬曉陽，一個係港澳辦官員。
傳真︰2623-9278
電郵︰