又係好友唔開心嘅日子，恒指又跌140點。油價不斷見新高，令到大市氣氛麻麻，甚至有寒氣。恒指收12219，揸恒指P輪者有錢收，恒指若然再跌多一啲，收割咗為先。恒指挨近萬二嗰頭，則敲恒指C輪，昨日提過嘅對象有9773同9082。
9773經過昨日變化後，輪價7.1仙，下月尾到期，溢價1.4%，槓桿率31.3倍（有效18倍），引伸波幅20%。9082輪價15.4仙，12月尾夠鐘，溢價3.9%，槓桿率17.6倍（有效9.7倍），引伸波幅22%。
中石油C輪9343：中石油（857）收3.675元，升1格。油價升，佢冇郁。油價若回落，相信佢都冇乜事，甚至會升，呢輪好多股票怪怪哋，走勢興反底。買些少中石油C輪9343，12月中到期，輪價54仙，溢價1.2%，槓桿率6.8倍（有效5.1倍），引伸波幅37%。
另1隻C輪9839買賣都算活躍，但博唔過，10月初埋單，輪價9.8仙，溢價6.1%，槓桿率37.5倍（有效13倍），引伸波幅35%。會有可能有咁嘅情形，未來幾個禮拜，正股升幾格，揸9343贏錢，揸9839輸錢，理由係9839溢價會一路路縮。
中電C輪9302：中電（002）跌60仙，留意低位買些少C輪搵食。
中電C輪9302年底到期，輪價59仙，負溢價1.9%，槓桿率7.4倍（有效亦係7.4倍），引伸波幅15%。負溢價係因為正股股息唔低。
章盛