八方周六翻閱鬼子大報招聘版，三大叠八十二版，睇來係市況好轉嘅先兆。
好似證監會咁，近排請三個職位，其中包括行政見習人員（ExecutiveTrainee），講明歡迎大學新畢業生申請。該職位主要協助證監各部門嘅內部運作，如果係會計、經濟、財務或法律系，會較有優勢。
其實近排證監都有啲人手調動同升遷，所以都要請啲較高嘅職位，例如中介團體及投資產品部總監。
呢個位主要係做持牌人嘅申請同查訊工作，以及制訂措施防止金融界出事。個位好似係新開，所以話個市旺始終機會多。
不過立法會選舉後證監都唔易做，睇金融服務界候選人，個個都衝着證監而來，所以證監都要度定橋、請多幾個人應戰。
傳真︰2623-9278
電郵︰