房祖名前晚任Twins音樂會嘉賓，祖名與鍾欣桐的緋聞常被拿來取笑，前晚蔡卓妍（阿Sa）提議祖名若想脫身，最好辦法是傳與她拍拖。而昨日阿Sa出席活動時，駁長髮出現，她更謂是與祖名情侶駁髮。
二人組合Twins前晚在九展演出「MTVLiveTwinsConcert」，二人圍繞兩支柱又唱又跳，有如跳tabledance，並與任表演嘉賓的房祖名合唱，而蔡卓妍的母親與男伴到場欣賞。
音樂會上，主持不時拿祖名與鍾欣桐（阿嬌）的緋聞開玩笑，祖名被問到覺得與Twins哪位成員較合拍時，他尷尬大笑，台下歌迷則大叫阿嬌，他說：「戲外佢兩個人都好好，我想作一首歌同佢哋合唱，如果佢哋唔嫌棄嘅話。」
當主持問祖名最想與誰唱情歌時，歌迷又狂叫阿嬌，祖名只好笑說：「咁就阿嬌囉，大家要求嘛，當然兩個一齊最好啦。」事後祖名接受訪問時對此說：「我唔尷尬，大家要求都冇法，冇理由同觀眾作對嘛。」
有雜誌指祖名已搞掂阿嬌，祖名說：「寫緋聞冇所謂，講到咁難聽就唔好，頭先阿Sa同我哋商量，不如傳我同佢。」有指阿Sa的緋聞多是她追人時，祖名說：「最多我追佢囉。」至於有指他被林嘉欣拒絕，祖名解釋說：「係誤會，我唔係鍾意佢，我係欣賞佢拍戲嘅才華，等於欣賞吳彥祖、莫文蔚同李心潔一樣。」
而阿Sa接受訪問時則說：「佢兩個（指阿嬌和祖名）想脫離呢單緋聞好簡單，傳我囉，但實係話我暗戀佢。」
此外，昨日Twins到尖沙嘴出席活動時，阿Sa駁了一頭長髮出現，她說：「我同祖名情侶駁髮呀，我為佢留長髮。」Twins二人又為祖名改了花名「儍仔名」，阿嬌說：「佢儍更更咁，佢喺後台拂頭髮呀。」阿Sa又說：「我話佢肥，佢話唔係，啱啱起身水腫，佢活喺自己個世界，係冷面笑匠。」阿嬌對被指給祖名追到手，她說：「唔係信呀？之前佢媽咪請食飯之後，我哋都冇一齊食過飯。」
採訪：李珮洳 攝影：陳偉權
