何韻詩昨日到將軍澳擔任「CoolIdol新Sing歌唱大賽決賽」頒獎嘉賓，有傳阿詩約滿EMI後，正與林建岳旗下的東亞唱片公司斟洽加盟，昨日阿詩透露早於兩個月前與EMI提早解約，現正與數間唱片公司斟洽中。
阿詩說：「東亞嗰邊係有聯絡過，嗰陣我做鄭秀文演唱會時，同佢哋有接觸，對佢哋做事都好有信心，所以佢哋亦都係我考慮之一。」有傳阿詩與EMI關係惡劣，她說：「我哋喺和諧嘅情況下解約。」
阿詩表示首要考慮是公司能否給她很大的音樂空間，問她可擔心年尾頒獎禮會輸蝕？她說：「唔係第一次，我習慣咗。」提到梅媽設齋宴籌款，阿詩謂若要捐款，會盡力幫助。
採訪、攝影：楊潔雯