Cookies昨日出席活動與fans玩遊戲兼影合照，但成員Kary及Stephy卻慘遭一名年約十六、七歲的男fans博懵，兩女被嚇得花容失色，Stephy更頻呼好驚。
四人女子組合Cookies昨日在粉嶺出席「信和夏日奧運會之乒乓狂熱滿全城」活動，與四名來自乒乓球總會的球員比賽，兼與在場fans玩電腦乒乓球遊戲，當她們與一男一女fans玩完遊戲影合照時Stephy和Kary竟遭男fans博懵。
該名十多歲的男fans當時站在Stephy與Kary中間，出其不意地伸出手在Kary的背部連掃了兩次。
繼而該男fans用另一隻手搭着Stephy的膊頭，又把臉緊貼Stephy頸項，兩女被對方的舉動嚇得有點不知所措之際，站在Miki身旁的fans看在眼裏，即時出手撥開該男fans的手。Stephy其後落台只識說：「好驚。」
此外，Cookies前晚通宵排舞，穿上拖鞋排舞的Theresa被Stephy踩爆腳趾，Theresa說：「初時都唔知自己爆咗，只係覺得隻腳趾好𣲷，排排吓見到一地都係血，返到屋企沖涼要托高隻腳沖。」Stephy則說：「我只係好細力踩咗一吓，可能係佢隻腳趾幼啦！」
採訪、攝影：魯萍
