港島區噚日又有選舉論壇，好多老人家都希望醫藥費平啲。講開醫療，獨立嘅范徐麗泰就大力倡議，香港嘅醫療水平咁高，應該叫多啲人嚟香港醫病，幫助一吓私營醫療系統。聽到范太咁講，基層民主派曾健成就潤民建聯主席馬力話：「我都唔知香港啲醫療好唔好，如果好就唔使返大陸醫病啦！」
做保險嘅獨立候選人黃錦輝都幾特別，其他候選人討論青少年政綱，佢就話自己以前游水攞過獎。有個年輕人台下發問話，佢老師叫佢唔好讀教育，因為教改搞到教師工作量大增。唔知喺咪職業病發作，黃錦輝好搞笑咁回應話：「我自己喺人壽保險從業協會會長，保險業都歡迎中五嘅畢業生加入，不過鍾唔鍾意做就係另一回事啦！」
（圖）噚日一眾港島區立會候選人出席選舉論壇，當然唔少得阿牛（右二）。
區民傑攝
傳真︰2623-9278
電郵︰