民主女神余若薇（圖）真不愧為超級吸票機，佢阿姐本身係大狀，口齒伶俐，思路清晰，佢先生胡健維醫生又係一位出名嘅腦科醫生，喺中環行醫多年，朋友多多。
八方日前陪人去胡醫生醫務所樓下嘅專科睇醫生，見到余大狀張參選海報貼喺人度，一問之下，先知係胡醫生送過嚟嘅宣傳單張，啲護士姐姐重話，胡醫生兩夫婦非常恩愛，成日出雙入對，羨慕死人，加上胡醫生人緣好，大家都樂意同佢拉票。
除咗醫生票之外，余大狀重可以吸好多家長嘅票。每次參加選舉論壇，八方都聽到余大狀介紹自己咁話：「我有三個女，一個讀大學、一個讀中學、一個讀小學。」八方斷估余大狀啲愛女同老竇一樣，都會猛咁向同學推介佢阿媽，冇一百票都會拉番幾十票。
傳真︰2623-9278
電郵︰