呢個世界冇乜嘢話絕對冇可能，之前冇人估到大班真係參選，到今日亦冇人夠膽話長毛一定輸梗，至於阿牛就險啲啫，如果有佢哋「煎釀三寶」入立會，寶哥哥話咗周三例會遲啲先鬆人，有多口人就話，如果加埋謝偉俊同馮兩努兩寶，就更好玩，寶哥哥可能唔肯走㖭。
你唔好睇小白姐姐嘅俊哥哥，雖然法律界對佢個次露體有微言，覺得好難接受，但係佢今次出選旅遊界，挑戰被佢形容為「霸住茅廁不辦公」嘅楊孝華，咁就唔同講啦，楊孝華做咗十三年議員，又的確冇乜見報，俊哥哥批評佢受政黨（自由黨）同大財團（國泰）控制，又好似擊中要害，今次臨尾重殺過業界中人葉慶寧出嚟，侯活（楊英文名）真危，俊哥就變得機會大增。
至於馮兩努，有打敗過周梁嘅紀錄，加上睇通批發及零售界唔鍾意銷售稅，一於出位博上位。
八方諗吓佢哋五怪，大班、長毛、阿牛、俊哥哥加埋兩努都坐喺立法會議事堂內開會，又的確好cute，值得試試。
傳真︰2623-9278
電郵︰