「養花羅漢魚，好似養狗咁，彼此好有感情。知道你放工返嚟，佢會追住你游來游去。重可以伸隻手入魚缸，摸吓佢個壽星頭。」首創把南美洲慈鯛成功配種，改良成為花羅漢的馬來西亞籍華裔商人謝玉堂，昨日來港與花羅漢愛好者分享飼養這種貴價觀賞魚的心得，並與港商簽署協議，輸出改良技術，開發中港澳三地市場。
與謝玉堂簽署合作協議的港商黃子桓表示，花羅漢始祖原屬慈鯛科淡水魚，經配種改良，性格仍不減兇悍，愛據地稱王，需獨立飼養，然而花羅漢體態優美，色澤誘人，易於飼養。他說：「最大條有十八吋長，養得好有二十年命。做生意嘅商人，鍾意佢個樣夠福氣，認為係風水魚，會帶嚟好運。」
香港花羅漢之友負責人葉先生說：「花羅漢貴在配種五百條，只有十條靚。印尼曾經有條參賽綽號金馬騮嘅花羅漢，有人出價二百四十萬港元搶購。」二○○○年香港曾掀起飼養花羅漢熱潮，當年一條「魚花」賣一千至二千元，今日熱潮過去，零售價下跌三成，只賣七百元，但仍有最少幾百個長期擁躉，鍾情於花羅漢。
本報記者