梁詠琪（GiGi）前晚剛為港姐任評判，昨日又在一個狗仔比賽中選天才狗，其間有隻可愛的大狗一路蹲在她的腳底，對於該隻大狗的「非禮」行為，GiGi笑指牠是「鹹濕仔」。
梁詠琪和林曉峰（阿Lo）昨日在旺角出席電影《導盲犬小Ｑ》動物迷你運動會宣傳，大會安排參賽者帶同愛犬到場進行天才表演，GiGi和阿Lo就擔任大會評判，其間有一隻可愛狗仔竟熱情地蹲在GiGi身邊，並嗅她的腳，GiGi一邊按着裙子，一邊大呼那隻狗是「鹹濕仔」。
GiGi又表示不會帶愛犬出席活動，她說：「我隻狗淨係識食同瞓，上次帶佢去影樓幫基仔做model，佢喺度屙屎，搞到要即刻清理，影樓都臭晒。」
前晚為港姐擔任最上鏡小姐評判之一的GiGi，就大讚出爐港姐冠軍徐子珊實至名歸，她說：「做港姐評判好好玩，冠亞季都係我嘅心水人選，我都貼中冠軍，我覺得徐子珊好淡定，佢份自信好討好，臨場都加好多分。李影個女沈 婷就有條件入呢行，佢好Sweet，應該有機會，佢輸臨場緊張同經歷比較少。」
問到GiGi覺得做港姐選美評判，抑或做狗仔評判好些，她就說：「我第一次現場睇香港小姐比賽，氣氛好似畢業禮，好感動，我差啲喊咗出嚟。尤其係睇香港小姐自白嗰個環節，我好有興趣再做港姐評判，但做狗評判都好得意。」
此外，GiGi的新唱片推出三周已有金唱片成績，她的歌迷紛紛送香檳祝賀。
採訪、攝影：王連連
