馮德倫和張震前晚應Chanel之邀在台北行騷，二人以「ChanelBoy'Z」姿態亮相，備受注目。行騷時表情冷酷的馮德倫事後表示，其實忍笑忍得很辛苦。
超級名牌Chanel前晚假台北新光三越信義新天地廣場舉行秋冬時裝騷，大會花上約一千萬新台幣（約二百三十萬港元）製作，現場放置了數部電單車，並設有一條一百三十米長的星光大道。在台灣人氣旺盛的名模林志玲及以「ChanelBoy'Z」姿態登場的馮德倫及張震，成為全晚焦點。
馮德倫表示首次穿女裝行騷有點不習慣，他說：「我都係跟住啲模特兒行，人哋專業吖嘛，佢哋行我咪行，佢哋企我咪企囉！」他在演出時表情甚酷，他事後說：「我呢個嬲咗成村人嘅表情係扮出嚟㗎咋，其實我忍笑忍得好辛苦。」問他是否滿意酬勞？他說：「我哋唔講錢嘅，希望以後重可以合作。」
對於緋聞女友莫文蔚被網站選為「十大高齡未婚美女」第四名，馮德倫說：「唔係嘛？三十歲就叫高齡！」他又撐莫文蔚的遲婚論說：「我都同意愈遲結婚愈好，兩個人應該認識清楚先結婚。」
另外，杜德偉則與台灣女星、穿性感小背心襯透視裙的天心結伴赴會。對於舊愛周汶錡與台灣國民黨主席連戰兒子連勝文的緋聞，杜德偉說：「我同佢再見亦是朋友，重有聯絡，不過呢件事我都係睇報紙先知，佢係好女仔，有人追好正常。」
JessicaNgan、ChenWaiOn台北直擊
