高球新丁木村班門弄斧

日本萬人迷木村拓哉鍾意玩滑水就係人都知，不過原來佢最近開始學玩高爾夫球。前排佢去高爾夫球練習場時重撞見高球高手反町隆史，點知學咗幾堂嘅木村居然想喺反町面前班門弄斧。當時反町見到木村支球桿，就同佢講話支球桿好難用，木村以為反町讚佢，重叻唔切咁話難啲好玩啲，點知反町就話佢都係用呢支球桿，不過唔啱新丁用，搞到木村即刻啞咗。