森美、鄧麗欣（Stephy）、樂基兒、官恩娜（Ella）、田蕊妮、黃伊汶、吳家穎（Kary）以及在電影《少林足球》中飾演「醬爆」一角的廣州演員何文輝，前晚在觀塘拍攝電影《甜絲絲》，田蕊妮和樂基兒分別身穿tubetop和低胸吊帶工人褲上陣。
導演安排Ella和Stephy吻森美面頰，及後有記者要求兩美再吻森美時，森美竟然變成怕醜仔，耍手擰頭兼臉紅紅地大叫「唔好」。事後森美表示在片中跟Stephy和樂基兒均有接吻戲，他說：「拍嘅時候都尷尬㗎，覺得自己癩蛤蟆食天鵝肉咁。」
Stephy前晚透露醬爆曾向每位演員派發情誼卡，卡片後竟寫上五大規條，其中一條是要時常帶着這張卡，Stephy說：「佢喺套戲入面個頭成日都要有好多泡，搞到佢對眼紅晒，但問親佢，佢都話冇事嘅。」
採訪：胡比 攝影：陳偉權