警務處副處長鄧竟成（圖），噚日喺港台節目《夢想配方》接受藝人方力申訪問時大開金口，講起佢喺九十年代初被借調英國警隊兩年期間，因為佢鍾意睇波，經常自薦守「波更」，即係到球場負責維持秩序。鄧sir又話當年英國嘅同僚以為佢來自香港，就一定識扒龍船，於是邀請佢參名當地喺泰晤士河舉行嘅扒龍舟比賽，並喺練習時要求鄧sir教佢哋點樣扒，鄧sir話佢根本就唔識扒，嗰次都係佢第一次扒龍船。提到難忘經歷，鄧sir話二十幾年前長洲搶包山意外，當年佢係負責嗰次活動秩序嘅機動部隊警員之一，當年長洲無交通工具，佢同救援人員要用擔架抬啲傷者去島上醫院同直升機場，連曾經係飛虎隊教官嘅佢都話非常吃力。
傳真︰2623-9278
電郵︰