【本報訊】保險經紀遭斬斷手掌血案，醫生已成功替傷者駁回手掌，傷勢亦有好轉，目前已由危殆轉為嚴重。負責調查的旺角警區重案組人員，昨日到醫院替傷者錄取口供。據消息稱，傷者昨曾向到醫院探望的親友透露，他遇襲原因可能與三年前一宗事件有關，但未有透露詳情。
傷者姓李，三十九歲，曾經結婚但已離婚，據說李以前曾習拳。昨晨十一時許，旺角重案組人員到醫院替事主錄取口供，了解血案。據悉事主與警方十分合作，對警方緝捕兇徒及了解血案動機大有幫助。
另一方面，案發現場的茶餐廳昨日照常營業，目睹兩名兇徒逞兇的女收銀員，昨憶述事件時猶有餘悸。她表示：「當時一切發生得好快，啲客被嚇到尖叫及衝出門口走，但斬人嗰兩個同被斬嗰個都很冷靜。兩個男子斬人前後冇出過半句聲，斬人後好從容咁走出街外坐車走咗，個客被斬甩右手掌後亦好冷靜，冇叫冇喊，用左手托住隻不停留血嘅右手同我講：『唔該畀啲冰我雪住隻手！』」
做替工卻遇上恐怖血案的女收銀員坦言當時好驚：「我畀啲冰佢嘅時候，見到隻手掌跌喺枱面，真係好恐怖，我唔敢幫佢雪隻手，好彩當時救護員到嚟接手，如果唔係唔知點算！」