恒基地產屬下嘅恒地會，同東亞銀行合作推出「恒地會信用卡」，日前搞咗個推廣活動，恒地李兆基同東亞李國寶都父子兵上陣。
寶baby原來唔止有紳士風範，重對老人家好尊重㖭。個活動喺美麗華酒店頂樓舉行，間酒店明明係恒地嘅場，但八方見到李國寶一早到埗，唔係上頂樓，而係企喺人來人往嘅大堂恭候四叔。所以話，都係老一輩嘅識得人情世故、長幼尊卑。
不過，正當寶baby恭候四叔時，酒店大堂卻發生咗啲不愉快事件，原來嗰日香港橋牌會亦book咗頂樓禮堂個大場搞比賽，本來各有各搞活動，但弊在為咗招呼寶baby同四叔，酒店職員將去頂樓嘅其中一部電梯鎖上，令橋牌會嘅嘉賓等𨋢等咗好耐，負責人愈等愈㷫，大罵班職員。
傳真︰2623-9278
電郵︰