對於前妻李麗珍被指開迷幻派對，許愿昨日接受電話訪問時說：「係唔係都好，我唔可以有comment（意見），佢係我個女嘅媽咪，我從來唔會喺個女面前講佢媽媽唔好嘅嘢。我已經將嗰本雜誌收埋，唔想俾個女睇到，做爸爸嘅，會盡一切去保護個女。」
問許愿會否擔心前妻的行為會影響女兒成長？他說：「大人一舉一動會直接影響小朋友身心健康，小朋友係一張白紙，見乜嘢就吸收乜嘢，所以大人應該要喺小朋友面前做好榜樣。所以我會喺我能力範圍做到最好，本來北京方面有份工作我都推咗，因為我唔想離開個女太耐。」
至於李麗珍今次事件是否有利許愿爭取女兒撫養權？許愿慨歎地說：「冇爭啦，我現階段冇足夠財力打官司，但為咗個女我會努力工作，希望將來有足夠經濟基礎爭番個女。」
採訪：戴彩煥