經過大半年餐風宿露的日子，文叔終於有個安樂窩。「呢間板間房雖然唔係好大，但總叫有瓦遮頭，我好滿意。」文叔滿心歡喜地說。
五十七歲的文叔，一直自食其力，從事飲食行業長達三十多年，無奈去年底不幸加入失業大軍，生活起了很大變化。
「我試過好努力咁搵工，但因為年紀有番咁上下，冇一份有回音。」失業後的文叔，不但三餐不繼，更要露宿街頭。
「以往一直住公司宿舍，冇咗份工，我連落腳嘅地方都冇，流離浪蕩。」在最困難的日子，文叔曾經在尖沙嘴文化中心一帶露宿，亦曾入住露宿者之家，直至早前，他在社工協助下申領綜援金，情況才稍有改善，並於上月正式租住板間房。
由於文叔不足六十歲，未獲社會福利署發放搬遷津貼，他正為一室電器頭痛。文叔表示：「我冇電飯煲，冇得煮食、煲水，成日要買飯盒同蒸餾水，好重皮。」此外，他同時希望獲贈一部電視機，消磨時間。
「去街要使錢，坐喺間房度又覺得好悶，𠵱家我唯一娛樂係睇報紙，所以好想有一部細細哋嘅電視機。」文叔的心願，有待善長玉成。
捐款編號：C1473
暖流熱線
電話：29908688
傳真：23702192
電郵：
網址：