潮店DoubleDog開倉今季T恤短褲照減
DoubleDog這品牌誕生於九九年，路線以街頭服裝為主，帶有頗強OldSchool風味，由本地潮人阿Jim同Chris兩兄弟主理。雖然是土炮品牌，不過深受香港潮人愛戴，以敏銳的潮流觸覺及用料手工講究見稱，今次開倉，一眾型Tee$80有交易，睇啱就要趁平買。
記者：李智聰
攝影：陳智良
模特兒：Ivan、Sharon（TalentPromotion）
情侶必掃
女士潮選
短褲波鞋並不是男孩的專利，DoubleDog這款夾色短褲，杏色撞啡色女士穿上夠晒醒神，想更加有型潮氣，上身襯埋件仿手繪的Tee，簡單配搭就能把青春氣息散發出來。
Tee
原價：$230
開倉價：$80
褲
原價：$350
開倉價：$180
玩裸體幾時都有市場，不過要玩得好睇，就要花點心思。Tee上的裸男裸女若隱若現，圖案點到即止，穿上行街亦不過火，是和另一半一人一件的潮爆情侶Tee。
Tee上的圖案是DoubleDog喜用的維京人Logo，淨係呢個維京人已經值回票價，配上今年勁Hit的淺藍色，襯牛仔褲一流，男女啱着。
DoubleBrother
地址：尖沙嘴加連威老道71號1樓 日期：即日起至8月20日
時間：2:00pm-10:00pm 查詢電話：23116790
注意事項：接受現金、VISA、MASTER、EPS付款
配件襯衫一流
牛仔布短褲經過洗水，以特別的側袋設計，實用又有型。牛仔布上的貓鬚全經專人挑出，手工一流。簡單一條牛仔短褲，已經具有典型街頭潮服的特質。
玩PatchWork是DoubleDog的拿手好戲，原本普通的短褲配上迷彩布，出來的效果奇搶又夠潮，PatchWork要玩得好並不是亂來，亂中有序就是這條短褲成功之處。
要型要潮唔一定要奇裝異服，簡簡單單一樣可以好好睇，玩色邊的款式一來可以表現出自我品味，二來亦不太誇張，適合想趕潮流又不想太過高調的朋友。
顏色夠搶，紫撞紅撞白加上格仔花紋，搶眼耀目。前一排這些英倫格仔花紋大熱，不少朋友從此鍾情追捧。事實無論幾時，格仔袋都有Fans捧場，大路得體又夠實用。
帆布質地適合夏天使用，Size夠大，而且採取索帶設計，加倍安全。可選擇作背囊、單揹及斜揹，十分方便。呢類方便大袋，點都要有一兩個睇門口，趁開倉唔好錯過機會。
DogTag向來以銀牌居多，DoubleDog換上薄木，效果很特別，骷髏骨的圖案亦很搶鏡。這條DogTag頸鏈說得上是集各家所長，再變出自己的風格。
最新潮貨照減
手帶是男士扮靚的必備，這條鴕鳥皮手帶，設計以皮帶為藍本，戴在手中就像把一條迷你皮帶縛在手，玩味十足，DoubleDog個牌子亦大大個騷出來，非常型仔。
這隻純銀戒指，Size夠大夠誇張，適合喜歡HipHop衣着的朋友們。戒指的造型刻意模仿超人的標誌，十分抵死過癮。
如果覺得一般牛仔褲太簡單，這條灰白雙色玩PatchWork的褲款，就夠晒出位，可為你突出個人品味，唔使擔心出街個個一樣Look，收身款式半圓前袋的設計亦夠Trendy。
在牛仔褲袋附近加上交叉線紋，再配上洗水磨白效果，令牛仔褲帶點SecondHand的味道。褲身較軟且薄，適合在炎夏穿着行街，低過半價發售，睇啱就要掃喇！
牛角中袖Tee充滿OldSchool味道，這款Tee是近期得意之作，受到不少捧場客追捧。T恤上的圖案是樂隊TheDoors，充滿懷舊復古氣息，喜歡OldSchool一族不容錯過。
DoubleDog的牛王之所以出名，因為每一條都獨一無二，這條牛王上的貓鬚以人手挑出，潑墨分布亦不一樣，而且玩限量版，得五十條，賣完就冇，夠矜貴。