髮型師JackyMa向李麗珍作出愛的宣言之餘，亦承認曾和太太及李麗珍三人同居。不過李麗珍卻表示從沒承認過與Jacky拍拖，完全否定二人關係，並說：「一直都係佢講啫，我有冇講過？」
李麗珍的Headquarters股東男友馬桂燦（JackyMa）太太李靜婷（Janet）向雜誌爆料，稱夫婦和李麗珍過去一年經常大被同眠，並指有人服食藥物。Janet又稱起初與李麗珍感情要好，故願分享丈夫，後來卻忍無可忍，惟有退出。
李麗珍就Janet的言論在電話中說：「佢之前又話要告呢本周刊，𠵱家又出嚟講咁多嘢，我嘅回應係『冇啲咁嘅事』，我得閒搶佢老公！但佢咁講對我嘅小朋友，對我嘅影響都好大，我啱啱簽咗新經理人公司，又接咗廣告，咁點先？」
李麗珍亦表示會和律師研究會否採取法律行動，但不會解釋事件，她說：「佢鍾意講乜咪講乜咯，佢講嘅嘢有人信先得㗎！嗰本周刊亦都冇搵過我回應。」
Jacky昨日接受記者訪問，聲稱李麗珍是其最愛，現時只希望跟太太離婚，和李麗珍結婚。對於和Jacky的關係，李麗珍無情地說：「由頭到尾我都冇講過話同佢一齊喎，一直都係佢講啫，我有冇講過？我有冇認過呀？」但Jacky親口承認為她和老婆搞離婚，李麗珍說：「你哋去查吓咯，佢哋邊有離婚？」對於被指已和Jacky分手，李麗珍說：「既然話分手咯，咁佢都唔開心？重要出嚟講嘢？」
昨日大批記者聚集於李麗珍碧瑤灣寓所樓下，但管理處於傍晚六時卻一度報警驅趕傳媒。
其實，Jacky去年底與李麗珍合資於中環開設了一間美髮學府TheCodeHairAcademy，當時Janet還擔任模特兒讓李麗珍實習剪髮，以行動向外界證明三人關係友好。然而，前日記者到上址查看時，已人去樓空。
採訪、攝影：張止寒、駱華齡
