驚慄片《鬼眼》同《驚兆》導演禮切沙也馬蘭（M.NightShyamalan）推出新作《森魔》，堅持劇情同結局不得外洩，以保留其作品嘅神秘色彩，嚟引起觀眾嘅興趣咁話，有傳《森魔》曾因劇情外洩而要重拍。
導演為配合電影裏面嗰種神秘氣氛，禮切喺開拍《森魔》之前，要求所有演員花三星期去體驗一下森林嘅生活，佢哋唔可以帶手提電話，重要用原始方法去煮食。禮切認為咁樣對演員嚟講係一個好重要嘅「感受」過程，令佢哋演得更投入。
《森魔》嘅演員班底，除咗有憑《鋼琴戰曲》贏奧斯卡影帝導演艾德烈邦迪（AdrienBrody）之外，亦有禮切愛將祖昆馮力士（JoaquinPhoenix）、《異形》系列女星薛歌妮韋花（SigourneyWeaver）、實力派金像男星威廉荷頓（WilliamHurt）等等，而女主角則起用首度登上大銀幕、《有你終身美麗》金像大導演朗侯活（RonHoward）個女BryceDallasHoward，呢個陣容配搭可謂既新鮮又有睇頭。
成套戲圍繞一個隱沒喺神秘森林嘅村落，森林內一直釋放出一股神秘力量，村民一直以來都要嚴守戒條，同森林中嘅「佢哋」各不相干。但當可怕嘅紅色印記出現，就係「佢哋」嘅最後警告，亦意味住恐怖怪事將接連發生。