鄭大班直選支持度節節上升，落區派單張頗受市民歡迎，有報章指大班多年前遇襲陰影未除，所以請咗個「黑黑實實」嘅貼身保鑣傍住，報道出街後大班笑到氣咳。原來被誤認作大班保鑣嗰位仁兄，只係多年前勇登釣魚台插上五星旗嘅陳裕南。
大班話同陳裕南識咗好多年，對方知道佢參選後主動提出幫手，陳兄係的士司機，為咗幫大班助選要走少幾轉，不過為朋友，冇計啦！
大班重話當年陳裕南被捧為民族英雄，估唔到今日會俾人誤會係佢保鑣，真係搞笑又無奈，「佢係保釣英雄，唔係保鑣，希望啲記者唔好搞錯。」
（圖）保釣英雄陳裕南都算大隻，唔怪得被誤認大班保鑣啦。
傳真︰2623-9278
電郵︰