立法會選情表面淡靜，其實枱底都有唔少騎呢事，老左派社團華人革新協會向會員發出問卷，不過內容好簡單，只係問人會投票同支持「民建聯及愛國愛港人士」，定係「民主派及反中亂港人士」。隨問卷附有兩篇文，一篇係關於「假若泛民主派取得過半議席香港會變成點？」另一篇則係比較「愛國愛港人士」同「反中亂港人士」嘅主張，唔使多講都係捧到前者天上有地下無咁勁，踩到後者落地底，將反對入市、反對取消越南船民第一收容港、反對興建香港迪士尼樂園通通入晒「反中亂港人士」數。
華革會有位職員話個調查純粹係內部參考，唔會公開結果，會長新界東港進聯候選人曹宏威就扮無知，「我呢排派單張曬到暈陀陀，而且已經向華革會請咗假，唔係好清楚發生乜事。」
傳真︰2623-9278
電郵︰