薛家燕（好姨）及胡杏兒昨日為灣仔美食博覽擔任開幕禮嘉賓，兩人即席獻唱，而胡杏兒更在台上懇請好姨介紹孔慶翔給她認識。
好姨早前發現視網膜脫落，但因工作忙碌，遲遲未能抽空做手術，她說：「𠵱家睇嘢要好集中，好用神，見到光就成日流眼水。噚日喺南海拍一場出浴落水戲，導演要我水底開眼，我都拍唔到。上面拍戲真係好辛苦，成四十度，個個都熱到出粒粒。」
最近有報道指孔慶翔在廣州拍《我阿媽發仔瘟》時，獲同組女演員獻殷勤，令孔慶翔手足無措。對此好姨說：「突然咁多靚女圍住梗係好開心，可能咁樣忘形，媽咪叫佢都聽唔到，佢真係好豔福。」
此外，提到楊盼盼不滿好姨找新城宣傳樣樣「話晒事」，好姨說：「係誤會，其實係楊盼盼請新城做公關幫手搵宣傳，大家都合作愉快，冇嗰回事。盼盼見到報道都第一時間打畀我，叫我小心講嘢。」
採訪：楊潔雯 攝影：陳偉權