容祖兒（Joey）和梁洛施（Isabella）等前晚在尖沙嘴和龍蝦灣拍攝無綫劇集《赤沙印記@四葉草.2》，Joey扮小販，售賣其設計的飾物。
Isabella首次為無綫拍劇，更要到荒山野嶺開工，她說：「我睇到兩點白色，好似塵嘅嘢，但又摸唔到，我拍嘢前都有講『唔該借借』，經理人同助手都安慰話係我眼花啫。」
問到Joey平時可喜歡幫襯小販時，她說：「我以前好鍾意幫襯小販買魚蛋燒賣，帶入場睇戲食。」
Joey的祖母林慧貞是葵興邨業主立案法團主席，她日前聯絡本報否認被指帳項不清，她擔心事件會影響孫女的聲譽，Joey對此說：「件事對我冇影響，嫲嫲健健康康就得，我哋得閒都會約飲茶，但冇傾深入問題。」
採訪、攝影：卓美娟