前晚戴夢夢化身天使，為一餐廳拍廣告。穿上性感tubedress的她仍然非常可愛。戴夢夢自覺今年事業發展不俗，但回想當年會考成績不甚理想，還被父母大罵一頓。
戴夢夢前晚在尖沙嘴為一間餐廳拍攝廣告，身穿tubedress的她戴上雙翼扮天使，廣告商又安排了切蛋糕和開香檳儀式，可是有工作人員不小心打破玻璃杯，不慎割傷了夢夢的腳，嚇得她花容失色，幸無大礙。
戴夢夢表示穿tubedress前已做好防走光措施，她說：「我第一次扮天使，平時都係扮學生，我之前幫過呢個品牌嘅公仔拍廣告，呢次酬勞差唔多。」
問戴夢夢為何不要求廣告商加酬金？她說：「咁樣好衰，我希望friendly啲，然後重有下次，呢次平面連電視廣告嘅酬金約六位數字。今年第二次拍廣告，好似打咗支強心針。」戴夢夢的歌迷前晚還到場充當免費臨時演員，還送了個咕𠱸給偶像做禮物，她說：「啲fans好好，佢哋都唔收酬勞。」
其中一名歌迷到場後告訴她剛派發的會考成績有十七分，至於戴夢夢當年的會考成績卻不甚理想，她說：「我以前嘅成績不消提，只係得個位分數，當時都有俾爹哋同媽咪鬧，因為讀唔成書，我揀咗出嚟做嘢，做過半年牙醫助護。」戴夢夢表示近日工作忙碌，在洗手間換衫時，一時失魂遺下手袋，幸好最後失而復得。
採訪、攝影：王連連