關寶慧日前到大埔祝賀好友的「翡翠坊」新店開幕，原本好友母親獲悉關寶慧不時遇上鬼怪事，故打算送她一塊「黑曜石」定驚，但關寶慧表示自己一直有收藏各式各樣的晶石，所以婉拒對方好意。
在關寶慧與張學潤出的新書《張開鬼門關》中，雖然不時提及關寶慧打麻雀時的神怪經歷，但卻未因此而嚇怕她的麻雀腳，關寶慧笑說：「通常係我見到，啲朋友見唔到。好似有日我同劉雅麗去一個圈中人屋企打牌，本來贏到開巷，但後來一陣冷風吹過嚟，我見到一個類似女人嘅影子行過之後，就一家輸三家。」
關寶慧續說：「後尾嗰位圈中人話搬入嗰間屋成年，佢就病足成年，我同佢講話間屋好似有污糟嘢，結果佢搬走咗，就真係咁啱得咁蹺乜事都冇。」
採訪：蔡丹