溫碧霞一直很愛穿牛仔褲，最近內地牛仔褲商看中她穿牛仔褲很有型格，故請她做代言人，溫碧霞表示有幸能在內地拍劇保持知名度，才能令廣告約不斷。
溫碧霞（Irene）日前去了廣州為內地生產的金絲桃斜布牛仔褲拍攝硬照廣告，該品牌請她做代言人，是看中她穿牛仔褲很有型格，Irene一直都很喜歡穿牛仔褲，所以今次能成為代言人，可以得無限量牛仔褲贊助，令她甚滿意。
除了牛仔褲廣告，最近她亦接拍了一個內地的洗頭水廣告，下周她會再到廣州拍攝，Irene說：「呢排都幾好彩，接咗拍幾個唔同類型嘅內地廣告，所以收入都幾可觀。」
Irene續說：「可以喺內地拍咁多廣告，最主要係之前我喺中港台拍過唔少劇集，所以內地觀眾對我有一定認識，廣告商就自然會搵我，所以我會保持一年最少拍一套劇，咁樣可以保持喺內地嘅知名度。」
最近Irene在內地太原拍攝一齣四十集的中港台合資劇集《幻影神針》，同劇還有李珊珊和梁小冰合作演出，Irene說：「呢齣劇最快都要拍到十月先至完，老公𠵱家同我分隔兩地，佢有時間會嚟探我，而我有空檔亦會盡量抽時間返香港探屋企人，其實我都係一年先拍一部，唔會離開太長時間嘅。」
