黃琛如早前與男友到峇里島旅行，這個六天的浪漫旅程令她樂而忘返，今次是她與男友拍拖九個月以來第四次旅行，黃琛如表示：「我哋見過家長，已經有晒計劃。」看來二人佳期漸近。
黃琛如與男友上月到峇里島旅行，在六日五夜的旅程中，除享受陽光與海灘外，更度過了一個令她畢生難忘的浪漫之旅，在他們入住的Tugu酒店內，男友更送上連串驚喜。
由於酒店內有多間不同主題的餐廳，加上黃琛如男友深知她鍾情古董，所以包下一間全擺放古董的餐廳用膳，令黃琛如驚喜萬分，她日前笑說：「呢次真係最浪漫嘅旅程，最難忘嘅就係有日去到一間餐廳食飯，雖然啲嘢食真係麻麻，但係見到間房嘅紅色布置，點晒蠟燭咁，真係好浪漫、好難忘。」
有傳蜜運中的黃琛如即將結婚，問她今次峇里之旅是否預支蜜月？男友又有否趁機求婚？她卻說：「冇，邊有咁早，總之唔係今年啦！我哋一齊好好，大家都好錫對方，我哋都見過家長，已經有晒計劃。」
雖然在峇里差不多每天都在酒店，二人亦日日在沙灘漫步，能夠與心愛的人享受旅程已很滿足，亦令黃琛如深明二人相處之道，她說：「其實我哋每次去旅行總會有爭執，但係都唔會大鬧，𠵱家我覺得大家最緊要係互相遷就。」
黃琛如聲言已為男友改變不少，一向予人形象性感的她，亦決定為男友改變，她說：「我男朋友好大男人，佢唔係太鍾意我曝光，所以我會減少出鏡，𠵱家都係接吓廣告同行吓騷。」
採訪：羅慧敏
