DV熱潮停不了，不過好多新入門玩家，仍未學識點樣剪片，就算跟機軟件點簡單，始終都唔可以DIY一隻滿意嘅作品。SONY就針對呢點，推出絕對簡單易用嘅《PicturePackage》，一個掣就幫你搞掂晒，冇難度喇啩？
記者：徐影龍
其實《PicturePackage》集幾款軟件於一身，除編輯相簿型光碟外，最正首推自動剪片功能，用家只需加入一段影片，再揀選剪片風格，一按掣就自動幫你編輯，而且重可決定影片風格，如懷舊模式，會將全段片改為偏黃色調，兼且加入殘舊菲林效果，十足十粵語殘片咁，相當之搞鬼。又或轉為慢速型模式，將外遊影片剪到好似旅遊特輯咁，甚至乎玩吓前衞型模式，將影片剪到好似《Phone殺令》咁激烈，加埋自選MP3做背景音樂，出嚟效果肯定超爆笑。
《PicturePackage》咁好玩，係咪想試吓呢套軟件嘅威力呢？《PicturePackage》將跟隨SONY兩款最新DV附送，型號分別為DCR-PC109/E及DCR-HC40/E，心思思想買新DV嘅用家，呢個時候出擊就啱晒啦。
若睇過今日嘅介紹仍未夠喉，不妨星期六、日到海洋公園個夏水禮度，參觀吓SONY設立嘅《PicturePackage》示範攤位，又或參加下列嘅有獎問答遊戲，話唔定免費攞到兩張海洋公園入場券㖭！
想知《PicturePackage》有幾好玩？今日《蘋果》就聯同SONY送出100張海洋公園入場券，得獎名額50位（每人2張）。只需答啱下列問題，再Fax表格過嚟參加遊戲，就有機會獲得2張海洋公園入場券，同另一半去海洋公園邊玩邊拍Vedio之餘，重可以去埋SONY示範攤位，親身感受《PicturePackage》簡單易用嘅魅力。
參加辦法
1.參加者須將答案填妥在參加表格內，並聯同個人資料*，傳真至22474020，即有機會獲獎。
2.遊戲時間為今日早上10:00至下午5:00，過早或逾時均作廢。每人只限參加一次，每次只可傳真一張表格，多過一張者以第一張為準。
3.答中所有問題而又最早傳真**的頭50名參加者，各得到海洋公園入場券2張。
4.得獎者將有專人通知。
5.為公平起見，《蘋果日報》及SONY員工、家屬不得參加是次遊戲。
6.《蘋果日報》對賽果保留最終決定權，參加者不得異議。
*參加表格上之姓名須與身份證相同，否則將被取消資格。
**以本報傳真機所顯示的時間為準。
‧必須憑報紙上的參加表格才可以參加遊戲。