鄭希怡（Yumiko）昨日在將軍澳電視廣播城為TVB8頻道拍攝音樂節目，Yumiko得悉無綫將會再次籌辦《翡翠歌星賀台慶》節目表示非常高興，她說：「我知道今年會喺十月三十一號搞，其實我入行之後都已經冇咗呢個節目，以前呢個節目，係我重點會睇嘅節目，𠵱家再搞番，我真係好開心。咁啱又係萬聖節，又可以扮鬼扮馬，前年萬聖節，我同公司同事都有開萬聖節Party。」
問Yumiko會否擔心要在節目唱現場，她說：「唔擔心，《勁歌》都要唱live，多啲唱live，可以訓練到唱歌技巧，咪嘴冇進步，為咗要唱現場，我已經預備咗私人headset，可以一路唱一路跳。」
採訪：卓美娟
攝影：陳偉權