精明消費：
奧運開鑼錄低比賽免捱夜
奧運今晚開鑼，不過由於遠在雅典舉行，大部份賽事都在香港凌晨時間進行，唔想晚晚捱夜，第二朝返工遲到，最好就係買部錄影機錄低精采賽事慢慢欣賞。今年除了傳統的VHS錄影機，DVD錄影機更大行其道，一方面價錢愈來愈抵玩，功能更備有硬盤及DVD-RAM的型號，更可進行邊睇邊錄，方便程度絕非VHS錄影機可比。
記者：張穎麟
攝影：楊錦文
Model：Wendy
DVD錄影機大行其道
雖則話DVD錄影機的格式尚未統一，但DVD+R/RW、-R/RW之間都各有廠商擁戴，再加埋部份內置硬盤的機種，絕對是百花齊放。事實上，論方便、收藏和質素，DVD錄影機都遠勝VHS錄影機，再加上愈賣愈平，難怪DVD錄影機成為近來熱賣的AV產品。
音質超班：靚聲一族
型號：新力RDR-GX7
佢可以錄製DVD-RW/+RW同DVD-R三種格式，唯獨是DVD+R只可播放不能錄製。在影、音的播放質素上明顯比其他機種強，24bit/192kHz的音頻數碼模擬轉換器，令其音質不下於純CD播放機的質素，無論高音，還是Bass的表現都遠勝其他DVD錄影機。
售價：$6,480(h)
最強兼容度
型號：LGDR4922W
現在的家庭除了需要一部DVD錄影機外，數碼相機亦是不能缺少的一員。所以LG最新的DVD錄影機就可以兼容DVD+R/RW同-R/RW兩大格式，絕對係碟都錄得。更特設MS同SD記憶卡插槽來播放數碼相片，這招跨媒體播放，的確體貼用家。
售價：$3,790(a)
DVD-RAM同時錄播
型號：東芝D-R1SB
雖然只係兼容DVD-R/RW派別，但卻兼容更高級的DVD-RAM，能夠做到一邊播一邊錄、自行編輯影片及畫中畫等功能，就算錄緊下半場，都可播番上半場片段，非常厲害。最適合收錄奧運呢類連續性節目，如果有埋G-Code就更完美。
有齊硬盤DVD-RAM
型號：樂聲DMR-E85
同樣是支持DVD-RAM同-R的機種，雖然唔對應-RW，但卻內置80GB硬盤，最長可錄142小時影片，更有與DVD-RAM一樣的同步錄播功能。呢部機還可播放DVD-AUDIO，讓用家可享受比一般CD更靚的音質。
售價：$7,290(c)
抵用硬盤DVD錄影機
型號：LGRH4820W
大部份備有硬盤的DVD錄影機，價錢都要$5,000以上，所以呢部機就夠晒抵玩。80GB硬碟容量，最長可作80小時錄影，而且又可與DVD-R/RW進行雙向燒錄。再加埋SD卡插槽同G-Code，夠晒抵用。
售價：$4,990(a)
包保唔會錄錯碟
型號：飛利浦DVDR77
說到兼容性，呢部機都係支持DVD+R/RW的機種，雖然未算乜碟都錄得，但功能卻相當細心。好像DiscManager功能，允許你儲存9,000隻DVD+R/RW的錄影資料，好像影碟的空白位置同影像主題等，包保唔會將重要影片洗去。
售價：$5,990(d)
24倍極速燒錄
型號：先鋒DVR-510HS
表面上80GB硬盤同對應DVD-R/RW的錄製模式都不算太過吸引，但呢部機其實還有24倍的高速燒錄DVD速度，最適合先用硬盤將節目錄起，剪輯後才將值得保留的影像，燒錄至DVD-R/RW上。呢部機亦對應順序掃描，錄、播一樣咁厲害。
售價：$5,480(a)
前置DV輸入夠方便
型號：步步高BBK-9908
支援DVD+R/RW的錄影格式，又有埋順序掃描、色差、光纖及同軸輸入，功能都算齊備。它更備有前置的DV輸入，方便接駁攝錄機，將影像燒錄至DVD+R/+RW中。
售價：$1,980(a)
飛利浦機芯有保證
型號：RogersDV-810R
品牌雖然唔算好出名，但卻採用飛利浦機芯，所以質素毋庸置疑。錄影格式方面同飛利浦一樣都係DVD+R/RW，有齊麗音同DV輸入，又可播放MP3格式。不過呢部機冇光纖同色差輸入，相比其他DVD錄影機就有點輸蝕。
售價：$1,880(a)
錄影機仍有生存空間
不要以為DVD錄影機愈來愈普及，採用錄影帶的錄影機便會壽終正寢。其實隨着數碼廣播的出現，能兼容的高級D-VHS錄影機，仍大有發展空間。再加上，傳統的VHS同S-VHS錄影機，售價仍不斷下調。相信DVD錄影機在+與-的格式還未統一前，錄影機仍有生存空間。
必買推介：數碼廣播最佳選擇
型號：JVCHM-DH40000U
嚟緊07年就有數碼廣播，但真正對應HDTV的錄影機（D-VHS）暫時就只此一部。佢一樣可以對應現有的S-VHS、HiFiVHS同VHS等傳統模式，更有埋光纖同色差輸出，較一眾機款厲害。
售價：$7,980(f)
經濟之選：操作簡單易用
型號：LGEC490W
若然你只需錄低今屆奧運節目，呢部絕對係首選。佢只得四磁頭，但應付SP、LP等普通錄播功能就綽綽有餘，又可進行NTSC播放功能，操作簡單。
售價：$690(a)
普通錄影帶變S-VHS質素
型號：JVCHR-S8960AG
呢部JVC的S-VHS錄影機，值得留意其S-VHSET功能，可將普通錄影帶質素大幅提升至425線的S-VHS質素，十元八塊一盒錄影帶都可錄到超靚畫面。
售價：$3,780(f)
修正唔靚畫面
型號：LGGC980NW
錄影機的用家，隨時擁有十幾年前儲下來的錄影帶，帶質同畫質會大打折扣。所以呢部機就特設VideoDoctor同C功能，能為帶質作出調整，亦有齊6磁頭同Nicam。
售價：$828(a)
一駁就用得
型號：JVCHR-J798AH
唔少人都怕新買的錄影機要追台兼做一大堆設定，呢部機就特設Plug&Play功能，一駁電同天線就用得，再加埋可以在電視螢幕中顯示中文目錄同G-Code，絕對方便。說到畫面，JVC的6磁頭亦是質素保證。
售價：$1,180(f)
12小時連續錄播
型號：聲寶VC-AH990W
呢部聲寶錄影機，備有EP錄影功能，可連續12小時錄影或播放。再加埋1分鐘高速回帶、G-Code、鈦表層磁頭同Nicam，啱晒一般家庭要求。
售價：$1,430(g)
二合一錄影機買少見少
一、兩年前DVD與錄影機的二合一機種，好像雨後春笋一樣，個個牌子都爭相推出。估唔到事隔兩年，機款卻買少見少，明顯見到二合一機款，只是VHS錄影機演變至DVD錄影機期間的過渡機種，想買部慳地方的二合一錄影機，就要把握最後機會。
MPEG4都播埋
型號：三星DVD-V940K
DVD同錄影機二合一的最新型號，厲害之處莫如播放MPEG4格式，即是以手提電話拍攝的短片也可在燒碟後播放，最啱一大班朋友分享生活趣事。另外，呢部機亦備有罕見的卡拉OK功能，再加埋128倍快速搜畫，對着來勢洶洶的DVD錄影機還有一拼之力。
售價：$1,780(e)
DV、S-VHS二合一
型號：JVCHR-DVS3EK
一邊可錄播MiniDV，另一邊則對應S-VHS。既方便為攝錄機的影像進行編輯，又可選取解像度更高，並擁有PCM數碼音質的MiniDV錄製電視節目。除擁有一按即錄功能外，電腦更會根據電視節目長短，自動由SP轉去LP，保證節目完整性。
售價：$9,980(f)
JVC加入戰團
型號：JVCHR-XV3AG
近年DVD同VHS錄影機好像已被三星獨霸，想不到奧運將至JVC突然加入戰團。呢部新機的最大賣點，除了國際線路、Nicam、中文螢幕Menu等功能齊備外。最吸引的當然是順序掃描功能，睇DVD包保更靚。
售價：$1,580(f)
兼容性強：二合一都播S-VHS
型號：三星DVD-V90K
除DVD那邊可播放DVD、SVCD、MP3、WMN外，錄影機那邊雖然只是VHS級數，但一樣可以播放S-VHS錄影帶，而且又有6磁頭Nicam立體聲同卡拉OK，功能一點都唔輸蝕。
售價：$1,780(e)
DVD-R/RW、DVD+R/RW與DVD-RAM的分別？
其實DVD-RAM是比較特別的一類，因為它的使用方法較接近硬盤，即是說採用非線性存取，電腦可自動找尋碟內的空間進行錄影，而且更可進行同步錄播的功能，更可重複使用100,000次，可惜它只可在對應DVD-RAM的機種播放，兼容性較低。至於DVD-R/RW、DVD+R/RW都係採用線性存取，像錄影帶一樣，要自己找尋上次錄完的空白位置，亦欠缺同步錄播功能。至於重用方面，+R同-R都只可錄一次，而+RW同-RW則可翻錄1,000次。說到兼容性，-R/RW獲得樂聲、東芝、先鋒等日本牌子支持，較多DVD機能播放，而+R/RW則以飛利浦為首再加一眾國產牌子DVD機，兼容性少了一點。
售賣點
(a)華仁會 23980280
(b)東芝 29560222
(c)樂聲 28330955
(d)飛利浦 26199663
(e)三星 28626008
(f)JVC 27328220
(g)聲寶 28229435
(h)SONY 28931183