黎姿、張可頤和佘詩曼等早前拍攝劇集《金枝慾孽》，三人在劇中飾演後宮妃嬪。其中一場戲講述黎姿露出香肩躺在床上等候皇上，但卻被阿佘施奸計，令黎姿白等一場。
黎姿、張可頤、佘詩曼和陳豪等主演的無綫古裝劇集《金枝慾孽》將於本月二十三日晚上九時三十五分播出，劇情講述宮廷內的是非，妃嬪之間為了博取皇上歡心各師各法爭寵，張可頤、佘詩曼和黎姿分別飾演妃嬪，大鬥演技與性感。
《金》劇早前遠赴北京拍攝，當時十分寒冷，一眾演員均要捱凍，尤其是女演員要穿上輕薄如紗的服飾，其中黎姿最性感，戲服不是露肩便是肚兜，其中一幕講述她露出香肩躺在床上擺出誘人姿勢，等候皇上回宮，但最終被另一妃嬪佘詩曼施下奸計，令黎姿白等。
昨日黎姿接受電話訪問時說：「我哋喺北京拍劇時真係好凍，着啲戲服全部都係夏天衫，所以每日都要用十幾個暖包保暖，連腳板都要用，反而喺香港拍嘅時候就夏天要着冬天衫，但都值得嘅，因為呢套劇係好講演技，我哋三個女仔都互相切磋。」
提到性感裝扮，黎姿說：「今次劇中嘅頭飾同服裝係我拍咁多次古裝最靚嘅，但可惜最終我喺劇裏面俾皇上發現我有第二段感情，而冇好下場。」
