薛家燕（好姨）近日忙於與孔慶翔拍攝電影《我阿媽發仔瘟》，她最近發現視覺出現問題，看東西有叠影及不清晰，眼科醫生證實她視網膜脫落，需要盡快進行手術，嚴重或會導致失明。
近日薛家燕除了拍攝無綫劇《皆大歡喜》外，又忙於與孔慶翔拍攝電影《我阿媽發仔瘟》，故甚少時間休息，最近更發現視覺出現問題。
問好姨對《皆》劇停播可感到可惜？她昨日在電話中說：「套劇播咗三年，觀眾可能唔捨得，但對演員嚟講就可以乘機休息吓。我呢排對眼睇嘢唔係幾清楚，有時重會出現叠影，右眼嚴重啲，睇嘢好矇。」
好姨續說：「之前我去睇眼科醫生，佢話係視網膜脫落，要做激光手術，但我𠵱家工作排得好密，又拍電影又趕劇，冇時間去做手術，希望年尾拍晒《皆》劇，同公司攞一個月假，除咗醫番對眼外，重要好好休息。」好姨年尾才做手術，難道不怕隨時失明？她說：「我都驚，但呢排好忙，況且我嘅工作又一早安排晒唔改得，惟有拖住先，醫生畀咗眼藥水我滴，重叫我配過對隱形眼鏡，又勸我唔好操勞。」
其實好姨早前拍攝《皆》劇一場打籃球戲時，已曾因疲勞過度中暑。《皆》劇監製徐遇安昨日在電話中說：「我都知道佢視網膜脫落，大家都好擔心同關注，所以等佢拍完套《我》片，我會要佢即刻再去眼科醫生度做檢查，萬一要做手術，公司會盡量配合度期畀佢，總之健康最重要。」
據知，視網膜脫落屬於眼科急症，大多出現於患深度近視的人，而經常看到閃光、「飛蚊」及糖尿病患者，也是高危一族。若發現視網膜有脫落迹象，應即時醫治，延遲可能會導致永久失明。
採訪：比華利