【本報訊】「等公布中學會考成績，重驚過做大手術。」患有先天性侏儒症的譚楚穎，自幼經常進出醫院，但從沒放棄讀書。結果昨日在生日前夕，憑努力給自己送上最好的生日禮物，在會考取得1A、2B、4C的成績。
今日起踏入十八歲的楚穎，會考後入院做盆骨手術，昨日由媽媽代她返回中華傳道會安柱中學取成績單。躺卧病床上的楚穎說：「媽媽第一時間打電話畀我，知道自己考到喜出望外嘅成績，忍唔住喊出嚟，覺得自己嘅努力、屋企、學校、醫院嘅支持，都冇白費。」
在小一到中五期間，楚穎做過五次大手術，無數次小手術。只要不是住醫院，媽媽便用輪椅送她或抱她上學。「會考時答題要同時間競賽，但自己隻手短，寫字好易攰。」她自知身體較差，因此加倍努力。現在最期待九月重返校園，希望將來可考上大學念醫科。