噚日出版嘅《壹週刊》報道，話李超人紅顏知己周凱旋，諗住用三億向商台創辦人何佐芝，買斷佢揸住嘅商台股權。報道重話，上個星期六周凱旋、俞琤同埋何佐芝，被人發現喺跑馬地Amigo餐廳會面，又話周凱旋近年一直都打緊《信報》嘅主意。
周凱旋噚晚火速親口向傳媒回應話，從來無打算收購商台呢件事，「覺得好莫名其妙同埋好shock（震驚）」。對於一個私人聚會會發展到咁嘅傳聞，「我覺得好無奈，同埋唔知點回應先合適」。至於話佢買《信報》，周小姐話，佢每日都買《信報》。八方覺得周小姐都好有幽默感。
傳真︰2623-9278
電郵︰