電訊盈科前副主席、啱啱做香港大學專業進修學院董事局主席嘅張永霖，噚日出席學院副學士課程講座，勉勵近百名應屆會考生要勤力，重話一次會考唔代表一世，最緊要係發奮圖強，咁第時先會有成就。
張永霖話，佢會考成績唔理想，但靠自己發奮，高考就有啲進步，佢重話直至出嚟做嘢，都係靠發奮兩個字，先有今日嘅成就。不過，張先生就好似唔係好受考生歡迎，講座完咗，等咗成分鐘都冇學生問佢問題，搞到張生鬼咁尷尬。
（圖）張永霖（左）喺講座度勉勵會考生要發奮圖強，話咁先會有成就。
傳真︰2623-9278
電郵︰