薛凱琪昨日二十三歲生日，她前晚出席商台活動時，順道與歌迷慶祝，並與一位男fans近距離接觸，讓他靠在肩膊上。薛凱琪前晚又實現了多年夢想，穿上芭蕾舞衣表演，十分嬌俏可愛。
薛凱琪和周國賢前晚在九龍灣出席商台《903萬人迷大作戰》，二人均在「夢想成真」環節實現夢想，薛凱琪穿上芭蕾舞衣扮跳芭蕾舞，造型嬌俏可愛，周國賢則扮醫生。
薛凱琪昨日二十三歲生日，商台ＤＪ組合ILoveUBoyz前晚在活動上與歌迷一起為壽星女預祝生日，並送上一籠壽包，周國賢則送上一套比堅尼。
在跟歌迷親密接觸二十秒的環節中，有男歌迷要求挨在薛凱琪的香肩上，但又顯得很怕醜，擾攘了約十秒仍未有行動，結果要ILoveUBoyz將該歌迷的頭按在薛凱琪肩膊上。
問薛凱琪可覺得尷尬？她說：「我覺得呢個係一個好男仔，佢連挨都唔敢，我都未試過同fans咁近距離接觸，我都好緊張，好彩有心理準備。」問薛凱琪會否讓歌迷咀嘴及錫面？她說：「錫手同面都OK，fans唔會要求我錫嘴。」
薛凱琪昨日生日要拍攝無綫劇《學警雄心》，她說：「第一次喺工作中度過生日，我諗會好難忘，以往我生日都係中午同爹哋媽咪食飯，夜晚同朋友慶祝，朋友本來話要同我開派對，不過佢哋知我要開工都取消，等我開完工就同屋企人食飯。」
談到生日願望，問薛凱琪可盼望遠離是非？她說：「呢個願望太小，我想事業同心情好啲，如果年尾攞到新人獎就會係我最大嘅生日禮物。」對於周國賢送比堅尼泳衣，她說：「未必啱size，佢睇小我！」周國賢則說：「佢影寫真都着泳衣，不過外面加咗衫，我覺得影寫真可以開放啲。」
採訪、攝影：楊潔雯
