房委會為咗分拆旗下嘅商場、停車場，以地產基金形式上市，特登成立咗一間新公司──領匯，重喺新鴻基地產郭氏兄弟嗰度「挖番」蘇慶和過嚟。返咗新工三個星期，蘇慶和噚日見傳媒，席間當然被問到「領匯」此名何來？
蘇慶和解釋，領匯英文名「Link」即係連繫，唔講唔知，香港有超過一半人口生活所需同房委會嘅商場有連繫，「領」字就係取材自Link，係咪好貼切呢。
至於「匯」字，蘇氏話「當然係希望有『外匯』，即係有錢收啦。另外亦取其諧音『領會』，領會吓租客嘅要求」。嘩，個名都好天下無敵噃，邊個諗㗎？「集思廣益」，蘇慶和答。
傳真︰2623-9278
電郵︰