前日香港社會服務聯會（社聯）同廣東省民政廳簽備忘錄，日後香港嘅非政府服務機構可以北上，為現時喺廣東境內工作嘅港人提供服務，例如緊急支援、生活配套諮詢服務、甚至個人輔導服務等。
內地來港新移民需要社會服務，同樣北上工作嘅香港人亦面對唔少困難，例如缺乏勞工保障、醫療同社區服務支援等，重因而產生好多社會問題。社聯多次催促政府，喺粵港聯席會議下加設多一個工作小組，等咗好耐老董終於點頭批准施行，又唔知下面邊個官阻住，遲遲未得到落實。社聯終於等唔切，前日自己同廣東省民政廳簽署備忘錄，社聯主席陳智思重大讚嗰位簽約嘅副廳長鄭人豪年輕有為，做過檢察官，前途無可限量。
（圖）廣東省民政廳副廳長鄭人豪（前左）只有三十六歲，獲陳智思（前右）大讚年輕有為。
傳真︰2623-9278
電郵︰