香港奧運代表團噚日正式出發去雅典參加奧運，職工會聯盟等幾個工會組織嘅代表去到機場送機，希望香港奧運代表隊關注運動服裝背後嘅剝削勞工問題，因為好多運動員身上所着嘅運動衫及運動鞋都係國內及東南亞發展中國家嘅婦女勞工造嘅，佢哋要喺惡劣嘅環境之下超時工作，但只可以賺到好微薄嘅人工，今次行動係響應國際勞工團體嘅「奧運精神不要血汗勞工」運動，運動目的係希望藉奧運引起各國關注運動服裝生產侵犯勞工權利嘅問題，幾個工會組織代表又要求香港奧委會及本港體育服裝公司盡快採取行動，改善運動服裝生產線嘅勞工待遇。
（圖）香港奧運代表團團長許晉奎（左）與職工會聯盟代表握手。
李勇明攝
傳真︰2623-9278
電郵︰