楊千嬅為拍《餃子三更2之一》不惜犧牲色相，首次拍攝出浴戲，並堅持不用替身，親身上陣，更沒有要求清場拍攝。不過由於隔着磨沙玻璃拍攝，觀眾只能看到若隱若現的千嬅出浴。
楊千嬅和Cookies成員Miki有份演出的電影《餃子三更2之一》，戲中她首次拍攝出浴戲，但卻隔了一塊磨沙玻璃，雖然無法看清千嬅的身材，不過算是她從影以來一次大膽演出。至於Miki亦有一場意識大膽的墮胎場面。
千嬅昨日接受電話訪問說：「嗰場出浴戲係講我食得太多BB餃子，搞到我覺得自己個身好有腥味，所以就要猛咁沖涼洗走啲腥味，因為拍時係隔住塊磨沙玻璃，知道睇得唔會好清楚，我都冇要求用替身，連清場都唔使啦！呢場戲係毫無心理陰影之下拍嘅。」
提到另一場與梁家輝做對手的親熱戲，千嬅說：「我哋喺一間總統套房拍，雖然都有大膽鏡頭，不過只係點到即止，而家輝係一個好有經驗嘅演員，幫到我冇尷尬。」
此外，千嬅前晚在電視廣播城為《NUMBER1動物運動會》節目配音，她的配音拍檔是報道體育新聞的主播伍晃榮，千嬅笑說：「每次睇新聞，主持人都會話交番畀邊個主持人，所以我配音時，會不斷講交番畀伍晃榮。」
採訪、攝影：楊潔雯
