喺即將上映嘅電影《叛諜追擊2機密圈套》入面飾演特工嘅荷李活影星麥迪文（MattDamon），近日喺洛杉磯見到有個女人瞓咗喺地下度，懷疑佢因中暑兼脫水暈倒，一向友善嘅阿麥見狀即刻潑啲水落個女人嘅面同手，令佢恢復知覺。阿麥之後重陪住呢位女士，等佢朋友嚟接佢返屋企先走，臨走前阿麥重幫佢哋影相同簽名留念，真係唔話得。