梅媽將於十月八日為已故愛女梅艷芳舉行慈善齋宴，為寶蓮寺籌款加建大雄寶殿。梅媽近日積極聯絡嘉賓，她透露致電張栢芝時，她的舊愛謝霆鋒正好在栢芝身邊，他亦有聽電話，兩人答應會齊齊出席，看來他們的關係頗親密。
梅艷芳去年底病逝，梅媽及梅艷芳胞兄梅啟明近半年積極爭取阿梅的遺產，十月十日是阿梅生忌，梅媽正籌備十月八日在尖沙嘴海洋皇宮舉行慈善齋宴，預計開一百席，為大嶼山寶蓮寺加建大雄寶殿籌款。
梅媽昨日在新城接受訪問，她透露近日已開始為齋宴張羅，她說：「阿梅生前幫志蓮淨苑做咁多嘢，嗰度都冇個（靈）位畀佢，我一開聲，人哋寶蓮寺就為我哋做咁多嘢，阿梅𠵱家喺寶蓮寺坐得好舒服，嗰度重會留個長生祿位畀阿梅，但未起好，所以啲骨灰重擺喺自己屋企。」
梅媽近日開始主動聯絡齋宴的嘉賓，她透露致電張栢芝時，她的舊愛謝霆鋒正在栢芝身邊，梅媽說：「前日下午四點幾，我打畀栢芝，佢講完就將電話畀霆鋒聽，佢哋兩個都話會特登返嚟，當時個電話係栢芝聽先，霆鋒喺隔籬，兩個都有聽到我電話。我都搵過華仔（劉德華），佢唔喺香港。」栢芝和霆鋒近日正為電影《無極》在內地開工。
問梅媽可會邀請陳小春到齋宴？她說：「我都冇佢電話，要嚟就自己嚟。蔡一傑應承幫我聯絡其他人，希望有心人到時上台唱歌。」至於會否邀請阿梅生前的「壞朋友」，梅啟明即說：「冇緊要，都歡迎佢哋嚟。」但梅媽卻說：「佢哋有面就嚟。」梅媽表示齋宴預計花費十多萬元，她還會捐出瓷器和開光的觀音拍賣，據悉連炎煇已買了十席齋宴。
梅媽透露今年農曆年前，把跑馬地的寓所抵押給銀行換取生活費，她說：「我已經好多個月冇生活費，我已經按咗層樓㖭，阿梅一瞌埋隻眼到𠵱家，我一毫子都冇袋過落袋，如果阿梅啲錢我到就會做更多善事。
