天主教香港教區主教陳日君噚日無端端出現喺一個由內地基督教團體主辦、叫做「中國教會聖經事工展」嘅展覽。八方一聽到消息就即刻趕去，但最終仍與陳主教緣慳一面。
八方追問主辦單位嘅總監鄧福村牧師，佢同八方講，原來主辦單位早前邀請過陳主教參加開幕禮，但陳主教就話唔得閒，所以去唔到。
雖然去唔到開幕禮，但陳主教仍然好有誠意咁話，之後會抽時間前往參觀，但可惜無話幾時，終於噚日下晝四點幾就走咗上去啦！陳主教參觀晒場內八個展區，每件展品都睇得好仔細。
據陪同陳主教參觀嘅包佳源牧師話，陳主教除咗話對中國教會充滿希望，同埋讚賞個展覽搞得成功之外，乜都無講，而佢最後逗留咗三十分鐘就走啦！
（圖）陳日君主教噚日去咗參觀由內地基督教團體主辦嘅「中國教會聖經事工展」，重話對中國教會充滿希望㖭。
傳真︰2623-9278
電郵︰