每屆立法會選舉，各候選人都會收到好多不同嘅機構嘅問卷，要佢哋表態，有候選人收到一份由維護家庭聯盟發出嘅問卷，睇到佢唔知點答好，原來問卷有六條題目，除咗一般要政府增加對解決家庭問題嘅資源外，重要候選人支持任何法例不應衝擊現有婚姻制度、婚姻乃男女之間的結合、維持一男一女一夫一妻婚姻制、人權自由不應濫用來衝擊現有婚姻制，同埋反對在港推行同性婚姻。
八方睇完呢啲問題，重以為自己生活喺十八世紀嘅歐洲，其實𠵱家法例已經保障一夫一妻制，又冇聽到有候選人政綱話要恢復大清律例，可以畀人納妾，至於同性婚姻，就更加唔係主流社會意見，咁搞咁多嘢為乜呢？其實八方認為維護家庭聯盟要維護一夫一妻制，第一個要搵佢傾吓偈嘅應該係賭王，唔係班冇錢又冇權嘅候選人。
傳真︰2623-9278
電郵︰